Willkommen

Mir si dr Kaktus Brüttelen u freue nis über di Bsuech uf üsere Website und vilech ou mau persönnlech amne Aalas.

Wird Mitglied!

Hie bringe mir dir üsi Aktivitäte und üse Verein no chlei nöcher. Mir si aui zwüsche 16ni und 45gi, mir organisiere im Jahr verschiedeni Aläss zum einte isch das im März jewils es Theater, im Ouguscht ner es Fischesse, im November e Suppetag und den am Chlouser no dr Samichlous für die Jüngshte im Dorf. Mit dene Erlöse ungernäh mir ner au Monet irgendöbis, sig das zum Bispiu is Skiweekend z gah, ga Swinggolf spiele, ine Adventureroom z gah oder ou mau e Spiuabe z mache mitemne z'Nacht. D' Aktivitäte werde au Jahr ar Houptversammlig vo de Vereinsmitglieder seuber mitbestume und usgwählt und so isch ou jedes Jahr öbis angers derbi. D Aläss finde immer a unterschiedleche Tage statt und somit chame ou guet im Verein si wenn me verschiedeni Schichte schaffet oder ou angeri Hobbies no het :) Wenn de mau wettsch derbi si de luegt doch i üse Kalender mit de Aktivitäte und mäud di via Kontaktformular bi üs - mir freue üs uf di! 

News