dr Samichlous

Wes dusse scho langsam ume dünkler u cheuter wird,  z Liecht i de Hüsser lüchtet, denn geits richtig Jahresändi zue. Bevors aber so wit isch, isch aber no zersch der Samichlous ungerwägs. Am 6. Dezämber macht er haut z Brüttele bir Merzwäckhaue u mir vom Kaktus ungerstützene derbie.

Es git für aui wo nes Värsli chöi, egau ob gross oder chli, es gluschtigs Chlouseseckli.

Näbe zue chame sech mit Tee und gmüetleche Gspräch uf die schöni u bessinlechi Zit ihstimme.